UtshovRamcharitmanas 12.1
राम बालि निज धाम पठावा। नगर लोग सब ब्याकुल धावा।।
नाना बिधि बिलाप कर तारा। छूटे केस न देह सँभारा।।
तारा बिकल देखि रघुराया । दीन्ह ग्यान हरि लीन्ही माया।।
छिति जल पावक गगन समीरा। पंच रचित अति अधम सरीरा।।
प्रगट सो तनु तव आगें सोवा। जीव नित्य केहि लगि तुम्ह रोवा।।
उपजा ग्यान चरन तब लागी। लीन्हेसि परम भगति बर मागी।।
उमा दारु जोषित की नाई। सबहि नचावत रामु गोसाई।।
तब सुग्रीवहि आयसु दीन्हा। मृतक कर्म बिधिबत सब कीन्हा।।
राम कहा अनुजहि समुझाई। राज देहु सुग्रीवहि जाई।।
रघुपति चरन नाइ करि माथा। चले सकल प्रेरित रघुनाथा।।
Ram bali nij dham pathava, nagar log sab byakul dhava
Nana bidhi bilap kar tara, chhute kes na deh sambhara
Tara bikal dekhi raghuraya, dinha gyan hari linhi maya
Chhiti jal pavak gagan samira, panch rachit ati adham sarira
Pragat so tanu tav agen sova, jiv nitya kehi lagi tumha rova
Upaja gyan charan tab lagi, linhesi param bhagati bar magi
Uma daru joshit ki nai, sabahi nachavat ramu gosai
Tab sugrivahi ayasu dinha, mritak karma bidhibat sab kinha
Ram kaha anujahi samujhai, raj dehu sugrivahi jai
Raghupati charan nai kari matha, chale sakal prerit raghunatha