Ramcharitmanas 10.1

परा बिकल महि सर के लागें। पुनि उठि बैठ देखि प्रभु आगें।।
स्याम गात सिर जटा बनाएँ। अरुन नयन सर चाप चढ़ाएँ।।
पुनि पुनि चितइ चरन चित दीन्हा। सुफल जन्म माना प्रभु चीन्हा।।
हृदयँ प्रीति मुख बचन कठोरा। बोला चितइ राम की ओरा।।
धर्म हेतु अवतरेहु गोसाई। मारेहु मोहि ब्याध की नाई।।
मैं बैरी सुग्रीव पिआरा। अवगुन कबन नाथ मोहि मारा।।
अनुज बधू भगिनी सुत नारी। सुनु सठ कन्या सम ए चारी।।
इन्हहि कुद्दष्टि बिलोकइ जोई। ताहि बधें कछु पाप न होई।।
मुढ़ तोहि अतिसय अभिमाना। नारि सिखावन करसि न काना।।
मम भुज बल आश्रित तेहि जानी। मारा चहसि अधम अभिमानी।।

Para bikal mahi sar ke lagen, puni uthi baith dekhi prabhu agen
Syam gat sir jata banaem, arun nayan sar chap charhaem
Puni puni chitai charan chit dinha, suphal janma mana prabhu chinha
Hridayam priti mukh bachan kathora, bola chitai ram ki ora
Dharma hetu avatarehu gosai, marehu mohi byadh ki nai
Main bairi sugriv piara, avagun kaban nath mohi mara
Anuj badhu bhagini sut nari, sunu sath kanya sam e chari
Inhahi kuddashti bilokai joi, tahi badhen kachhu pap na hoi
Murh tohi atisay abhimana, nari sikhavan karasi na kana
Mam bhuj bal ashrit tehi jani, mara chahasi adham abhimani

Whole chapter