Ramcharitmanas 7.1

सुनि जानकीं परम सुखु पावा। सादर तासु चरन सिरु नावा।।
तब मुनि सन कह कृपानिधाना। आयसु होइ जाउँ बन आना।।
संतत मो पर कृपा करेहू। सेवक जानि तजेहु जनि नेहू।।
धर्म धुरंधर प्रभु कै बानी। सुनि सप्रेम बोले मुनि ग्यानी।।
जासु कृपा अज सिव सनकादी। चहत सकल परमारथ बादी।।
ते तुम्ह राम अकाम पिआरे। दीन बंधु मृदु बचन उचारे।।
अब जानी मैं श्री चतुराई। भजी तुम्हहि सब देव बिहाई।।
जेहि समान अतिसय नहिं कोई। ता कर सील कस न अस होई।।
केहि बिधि कहौं जाहु अब स्वामी। कहहु नाथ तुम्ह अंतरजामी।।
अस कहि प्रभु बिलोकि मुनि धीरा। लोचन जल बह पुलक सरीरा।।

Suni janakin param sukhu pava, sadar tasu charan siru nava
Tab muni san kah kripanidhana, ayasu hoi jaum ban ana
Santat mo par kripa karehu, sevak jani tajehu jani nehu
Dharma dhurandhar prabhu kai bani, suni saprem bole muni gyani
Jasu kripa aj siv sanakadi, chahat sakal paramarath badi
Te tumha ram akam piare, din bandhu mridu bachan uchare
Ab jani main shri chaturai, bhaji tumhahi sab dev bihai
Jehi saman atisay nahin koi, ta kar sil kas na as hoi
Kehi bidhi kahaun jahu ab svami, kahahu nath tumha antarajami
As kahi prabhu biloki muni dhira, lochan jal bah pulak sarira

Whole chapter