Ramcharitmanas 6.1

अनुसुइया के पद गहि सीता। मिली बहोरि सुसील बिनीता।।
रिषिपतिनी मन सुख अधिकाई। आसिष देइ निकट बैठाई।।
दिब्य बसन भूषन पहिराए। जे नित नूतन अमल सुहाए।।
कह रिषिबधू सरस मृदु बानी। नारिधर्म कछु ब्याज बखानी।।
मातु पिता भ्राता हितकारी। मितप्रद सब सुनु राजकुमारी।।
अमित दानि भर्ता बयदेही। अधम सो नारि जो सेव न तेही।।
धीरज धर्म मित्र अरु नारी। आपद काल परिखिअहिं चारी।।
बृद्ध रोगबस जड़ धनहीना। अधं बधिर क्रोधी अति दीना।।
ऐसेहु पति कर किएँ अपमाना। नारि पाव जमपुर दुख नाना।।
एकइ धर्म एक ब्रत नेमा। कायँ बचन मन पति पद प्रेमा।।
जग पति ब्रता चारि बिधि अहहिं। बेद पुरान संत सब कहहिं।।
उत्तम के अस बस मन माहीं। सपनेहुँ आन पुरुष जग नाहीं।।
मध्यम परपति देखइ कैसें। भ्राता पिता पुत्र निज जैंसें।।
धर्म बिचारि समुझि कुल रहई। सो निकिष्ट त्रिय श्रुति अस कहई।।
बिनु अवसर भय तें रह जोई। जानेहु अधम नारि जग सोई।।
पति बंचक परपति रति करई। रौरव नरक कल्प सत परई।।
छन सुख लागि जनम सत कोटि। दुख न समुझ तेहि सम को खोटी।।
बिनु श्रम नारि परम गति लहई। पतिब्रत धर्म छाड़ि छल गहई।।
पति प्रतिकुल जनम जहँ जाई। बिधवा होई पाई तरुनाई।।

Anusuiya ke pad gahi sita, mili bahori susil binita
Rishipatini man sukh adhikai, asish dei nikat baithai
Dibya basan bhushan pahirae, je nit nutan amal suhae
Kah rishibadhu saras mridu bani, naridharma kachhu byaj bakhani
Matu pita bhrata hitakari, mitaprad sab sunu rajakumari
Amit dani bharta bayadehi, adham so nari jo sev na tehi
Dhiraj dharma mitra aru nari, apad kal parikhiahin chari
Briddha rogabas jar dhanahina, adham badhir krodhi ati dina
Aisehu pati kar kiem apamana, nari pav jamapur dukh nana
Ekai dharma ek brat nema, kayam bachan man pati pad prema
Jag pati brata chari bidhi ahahin, bed puran sant sab kahahin
Uttam ke as bas man mahin, sapanehun an purush jag nahin
Madhyam parapati dekhai kaisen, bhrata pita putra nij jainsen
Dharma bichari samujhi kul rahai, so nikishta triy shruti as kahai
Binu avasar bhay ten rah joi, janehu adham nari jag soi
Pati banchak parapati rati karai, raurav narak kalpa sat parai
Chhan sukh lagi janam sat koti, dukh na samujh tehi sam ko khoti
Binu shram nari param gati lahai, patibrat dharma chhari chhal gahai
Pati pratikul janam jaham jai, bidhava hoi pai tarunai

Whole chapter