UtshovDoha 44
44.1
Chaupai
अति प्रसन्न रघुनाथहि जानी। पुनि नारद बोले मृदु बानी।।
राम जबहिं प्रेरेउ निज माया। मोहेहु मोहि सुनहु रघुराया।।
तब बिबाह मैं चाहउँ कीन्हा। प्रभु केहि कारन करै न दीन्हा।।
सुनु मुनि तोहि कहउँ सहरोसा। भजहिं जे मोहि तजि सकल भरोसा।।
करउँ सदा तिन्ह कै रखवारी। जिमि बालक राखइ महतारी।।
गह सिसु बच्छ अनल अहि धाई। तहँ राखइ जननी अरगाई।।
प्रौढ़ भएँ तेहि सुत पर माता। प्रीति करइ नहिं पाछिलि बाता।।
मोरे प्रौढ़ तनय सम ग्यानी। बालक सुत सम दास अमानी।।
जनहि मोर बल निज बल ताही। दुहु कहँ काम क्रोध रिपु आही।।
यह बिचारि पंडित मोहि भजहीं। पाएहुँ ग्यान भगति नहिं तजहीं।।
Ati prasanna raghunathahi jani, puni narad bole mridu bani
Ram jabahin prereu nij maya, mohehu mohi sunahu raghuraya
Tab bibah main chahaum kinha, prabhu kehi karan karai na dinha
Sunu muni tohi kahaum saharosa, bhajahin je mohi taji sakal bharosa
Karaum sada tinha kai rakhavari, jimi balak rakhai mahatari
Gah sisu bachchha anal ahi dhai, taham rakhai janani aragai
Praurh bhaem tehi sut par mata, priti karai nahin pachhili bata
More praurh tanay sam gyani, balak sut sam das amani
Janahi mor bal nij bal tahi, duhu kaham kam krodh ripu ahi
Yah bichari pandit mohi bhajahin, paehun gyan bhagati nahin tajahin
44.2
Doha/soratha
काम क्रोध लोभादि मद प्रबल मोह कै धारि।
तिन्ह महँ अति दारुन दुखद मायारूपी नारि ॥43॥
Kam krodh lobhadi mad prabal moh kai dhari
Tinha maham ati darun dukhad mayarupi nari