UtshovDoha 4
4.1
Chaupai
रघुपति चित्रकूट बसि नाना। चरित किए श्रुति सुधा समाना।।
बहुरि राम अस मन अनुमाना। होइहि भीर सबहिं मोहि जाना।।
सकल मुनिन्ह सन बिदा कराई। सीता सहित चले द्वौ भाई।।
अत्रि के आश्रम जब प्रभु गयऊ। सुनत महामुनि हरषित भयऊ।।
पुलकित गात अत्रि उठि धाए। देखि रामु आतुर चलि आए।।
करत दंडवत मुनि उर लाए। प्रेम बारि द्वौ जन अन्हवाए।।
देखि राम छबि नयन जुड़ाने। सादर निज आश्रम तब आने।।
करि पूजा कहि बचन सुहाए। दिए मूल फल प्रभु मन भाए।।
Raghupati chitrakut basi nana, charit kie shruti sudha samana
Bahuri ram as man anumana, hoihi bhir sabahin mohi jana
Sakal muninha san bida karai, sita sahit chale dvau bhai
Atri ke ashram jab prabhu gayau, sunat mahamuni harashit bhayau
Pulakit gat atri uthi dhae, dekhi ramu atur chali ae
Karat dandavat muni ur lae, prem bari dvau jan anhavae
Dekhi ram chhabi nayan jurane, sadar nij ashram tab ane
Kari puja kahi bachan suhae, die mul phal prabhu man bhae
4.2
Doha/soratha
प्रभु आसन आसीन भरि लोचन सोभा निरखि।
मुनिबर परम प्रबीन जोरि पानि अस्तुति करत ॥3॥
Prabhu asan asin bhari lochan sobha nirakhi
Munibar param prabin jori pani astuti karat