Ramcharitmanas 38.1

चले राम त्यागा बन सोऊ। अतुलित बल नर केहरि दोऊ।।
बिरही इव प्रभु करत बिषादा। कहत कथा अनेक संबादा।।
लछिमन देखु बिपिन कइ सोभा। देखत केहि कर मन नहिं छोभा।।
नारि सहित सब खग मृग बृंदा। मानहुँ मोरि करत हहिं निंदा।।
हमहि देखि मृग निकर पराहीं। मृगीं कहहिं तुम्ह कहँ भय नाहीं।।
तुम्ह आनंद करहु मृग जाए। कंचन मृग खोजन ए आए।।
संग लाइ करिनीं करि लेहीं। मानहुँ मोहि सिखावनु देहीं।।
सास्त्र सुचिंतित पुनि पुनि देखिअ। भूप सुसेवित बस नहिं लेखिअ।।
राखिअ नारि जदपि उर माहीं। जुबती सास्त्र नृपति बस नाहीं।।
देखहु तात बसंत सुहावा। प्रिया हीन मोहि भय उपजावा।।

Chale ram tyaga ban sou, atulit bal nar kehari dou
Birahi iv prabhu karat bishada, kahat katha anek sambada
Lachhiman dekhu bipin kai sobha, dekhat kehi kar man nahin chhobha
Nari sahit sab khag mrig brinda, manahun mori karat hahin ninda
Hamahi dekhi mrig nikar parahin, mrigin kahahin tumha kaham bhay nahin
Tumha anand karahu mrig jae, kanchan mrig khojan e ae
Sang lai karinin kari lehin, manahun mohi sikhavanu dehin
Sastra suchintit puni puni dekhia, bhup susevit bas nahin lekhia
Rakhia nari jadapi ur mahin, jubati sastra nripati bas nahin
Dekhahu tat basant suhava, priya hin mohi bhay upajava

Whole chapter