Ramcharitmanas 23.1

सुनत सभासद उठे अकुलाई। समुझाई गहि बाहँ उठाई।।
कह लंकेस कहसि निज बाता। केंइँ तव नासा कान निपाता।।
अवध नृपति दसरथ के जाए। पुरुष सिंघ बन खेलन आए।।
समुझि परी मोहि उन्ह कै करनी। रहित निसाचर करिहहिं धरनी।।
जिन्ह कर भुजबल पाइ दसानन। अभय भए बिचरत मुनि कानन।।
देखत बालक काल समाना। परम धीर धन्वी गुन नाना।।
अतुलित बल प्रताप द्वौ भ्राता। खल बध रत सुर मुनि सुखदाता।।
सोभाधाम राम अस नामा। तिन्ह के संग नारि एक स्यामा।।
रुप रासि बिधि नारि सँवारी। रति सत कोटि तासु बलिहारी।।
तासु अनुज काटे श्रुति नासा। सुनि तव भगिनि करहिं परिहासा।।
खर दूषन सुनि लगे पुकारा। छन महुँ सकल कटक उन्ह मारा।।
खर दूषन तिसिरा कर घाता। सुनि दससीस जरे सब गाता।।

Sunat sabhasad uthe akulai, samujhai gahi baham uthai
Kah lankes kahasi nij bata, kenim tav nasa kan nipata
Avadh nripati dasarath ke jae, purush singh ban khelan ae
Samujhi pari mohi unha kai karani, rahit nisachar karihahin dharani
Jinha kar bhujabal pai dasanan, abhay bhae bicharat muni kanan
Dekhat balak kal samana, param dhir dhanvi gun nana
Atulit bal pratap dvau bhrata, khal badh rat sur muni sukhadata
Sobhadham ram as nama, tinha ke sang nari ek syama
Rup rasi bidhi nari sanvari, rati sat koti tasu balihari
Tasu anuj kate shruti nasa, suni tav bhagini karahin parihasa
Khar dushan suni lage pukara, chhan mahun sakal katak unha mara
Khar dushan tisira kar ghata, suni dasasis jare sab gata

Whole chapter