Ramcharitmanas 22.1

जब रघुनाथ समर रिपु जीते। सुर नर मुनि सब के भय बीते।।
तब लछिमन सीतहि लै आए। प्रभु पद परत हरषि उर लाए।
सीता चितव स्याम मृदु गाता। परम प्रेम लोचन न अघाता।।
पंचवटीं बसि श्रीरघुनायक। करत चरित सुर मुनि सुखदायक।।
धुआँ देखि खरदूषन केरा। जाइ सुपनखाँ रावन प्रेरा।।
बोलि बचन क्रोध करि भारी। देस कोस कै सुरति बिसारी।।
करसि पान सोवसि दिनु राती। सुधि नहिं तव सिर पर आराती।।
राज नीति बिनु धन बिनु धर्मा। हरिहि समर्पे बिनु सतकर्मा।।
बिद्या बिनु बिबेक उपजाएँ। श्रम फल पढ़े किएँ अरु पाएँ।।
संग ते जती कुमंत्र ते राजा। मान ते ग्यान पान तें लाजा।।
प्रीति प्रनय बिनु मद ते गुनी। नासहि बेगि नीति अस सुनी।।

Jab raghunath samar ripu jite, sur nar muni sab ke bhay bite
Tab lachhiman sitahi lai ae, prabhu pad parat harashi ur lae
Sita chitav syam mridu gata, param prem lochan na aghata
Panchavatin basi shriraghunayak, karat charit sur muni sukhadayak
Dhuam dekhi kharadushan kera, jai supanakhan ravan prera
Boli bachan krodh kari bhari, des kos kai surati bisari
Karasi pan sovasi dinu rati, sudhi nahin tav sir par arati
Raj niti binu dhan binu dharma, harihi samarpe binu satakarma
Bidya binu bibek upajaem, shram phal parhe kiem aru paem
Sang te jati kumantra te raja, man te gyan pan ten laja
Priti pranay binu mad te guni, nasahi begi niti as suni

Whole chapter