Ramcharitmanas 15.1

जब ते राम कीन्ह तहँ बासा। सुखी भए मुनि बीती त्रासा।।
गिरि बन नदीं ताल छबि छाए। दिन दिन प्रति अति हौहिं सुहाए।।
खग मृग बृंद अनंदित रहहीं। मधुप मधुर गंजत छबि लहहीं।।
सो बन बरनि न सक अहिराजा। जहाँ प्रगट रघुबीर बिराजा।।
एक बार प्रभु सुख आसीना। लछिमन बचन कहे छलहीना।।
सुर नर मुनि सचराचर साईं। मैं पूछउँ निज प्रभु की नाई।।
मोहि समुझाइ कहहु सोइ देवा। सब तजि करौं चरन रज सेवा।।
कहहु ग्यान बिराग अरु माया। कहहु सो भगति करहु जेहिं दाया।।

Jab te ram kinha taham basa, sukhi bhae muni biti trasa
Giri ban nadin tal chhabi chhae, din din prati ati hauhin suhae
Khag mrig brind anandit rahahin, madhup madhur ganjat chhabi lahahin
So ban barani na sak ahiraja, jahan pragat raghubir biraja
Ek bar prabhu sukh asina, lachhiman bachan kahe chhalahina
Sur nar muni sacharachar saim, main puchhaum nij prabhu ki nai
Mohi samujhai kahahu soi deva, sab taji karaun charan raj seva
Kahahu gyan birag aru maya, kahahu so bhagati karahu jehin daya

Whole chapter