Ramcharitmanas 14.1

तब रघुबीर कहा मुनि पाहीं। तुम्ह सन प्रभु दुराव कछु नाही।।
तुम्ह जानहु जेहि कारन आयउँ। ताते तात न कहि समुझायउँ।।
अब सो मंत्र देहु प्रभु मोही। जेहि प्रकार मारौं मुनिद्रोही।।
मुनि मुसकाने सुनि प्रभु बानी। पूछेहु नाथ मोहि का जानी।।
तुम्हरेइँ भजन प्रभाव अघारी। जानउँ महिमा कछुक तुम्हारी।।
ऊमरि तरु बिसाल तव माया। फल ब्रह्मांड अनेक निकाया।।
जीव चराचर जंतु समाना। भीतर बसहि न जानहिं आना।।
ते फल भच्छक कठिन कराला। तव भयँ डरत सदा सोउ काला।।
ते तुम्ह सकल लोकपति साईं। पूँछेहु मोहि मनुज की नाईं।।
यह बर मागउँ कृपानिकेता। बसहु हृदयँ श्री अनुज समेता।।
अबिरल भगति बिरति सतसंगा। चरन सरोरुह प्रीति अभंगा।।
जद्यपि ब्रह्म अखंड अनंता। अनुभव गम्य भजहिं जेहि संता।।
अस तव रूप बखानउँ जानउँ। फिरि फिरि सगुन ब्रह्म रति मानउँ।।
संतत दासन्ह देहु बड़ाई। तातें मोहि पूँछेहु रघुराई।।
है प्रभु परम मनोहर ठाऊँ। पावन पंचबटी तेहि नाऊँ।।
दंडक बन पुनीत प्रभु करहू। उग्र साप मुनिबर कर हरहू।।
बास करहु तहँ रघुकुल राया। कीजे सकल मुनिन्ह पर दाया।।
चले राम मुनि आयसु पाई। तुरतहिं पंचबटी निअराई।।

Tab raghubir kaha muni pahin, tumha san prabhu durav kachhu nahi
Tumha janahu jehi karan ayaum, tate tat na kahi samujhayaum
Ab so mantra dehu prabhu mohi, jehi prakar maraun munidrohi
Muni musakane suni prabhu bani, puchhehu nath mohi ka jani
Tumhareim bhajan prabhav aghari, janaum mahima kachhuk tumhari
Umari taru bisal tav maya, phal brahmand anek nikaya
Jiv charachar jantu samana, bhitar basahi na janahin ana
Te phal bhachchhak kathin karala, tav bhayam darat sada sou kala
Te tumha sakal lokapati saim, punchhehu mohi manuj ki naim
Yah bar magaum kripaniketa, basahu hridayam shri anuj sameta
Abiral bhagati birati satasanga, charan saroruh priti abhanga
Jadyapi brahma akhand ananta, anubhav gamya bhajahin jehi santa
As tav rup bakhanaum janaum, phiri phiri sagun brahma rati manaum
Santat dasanha dehu barai, taten mohi punchhehu raghurai
Hai prabhu param manohar thaum, pavan panchabati tehi naum
Dandak ban punit prabhu karahu, ugra sap munibar kar harahu
Bas karahu taham raghukul raya, kije sakal muninha par daya
Chale ram muni ayasu pai, turatahin panchabati niarai

Whole chapter