Ramcharitmanas 99.1

पितु बैभव बिलास मैं डीठा। नृप मनि मुकुट मिलित पद पीठा।।
सुखनिधान अस पितु गृह मोरें। पिय बिहीन मन भाव न भोरें।।
ससुर चक्कवइ कोसलराऊ। भुवन चारिदस प्रगट प्रभाऊ।।
आगें होइ जेहि सुरपति लेई। अरध सिंघासन आसनु देई।।
ससुरु एतादृस अवध निवासू। प्रिय परिवारु मातु सम सासू।।
बिनु रघुपति पद पदुम परागा। मोहि केउ सपनेहुँ सुखद न लागा।।
अगम पंथ बनभूमि पहारा। करि केहरि सर सरित अपारा।।
कोल किरात कुरंग बिहंगा। मोहि सब सुखद प्रानपति संगा।।

Pitu baibhav bilas main ditha, nrip mani mukut milit pad pitha
Sukhanidhan as pitu grih moren, piy bihin man bhav na bhoren
Sasur chakkavai kosalarau, bhuvan charidas pragat prabhau
Agen hoi jehi surapati lei, aradh singhasan asanu dei
Sasuru etadris avadh nivasu, priy parivaru matu sam sasu
Binu raghupati pad padum paraga, mohi keu sapanehun sukhad na laga
Agam panth banabhumi pahara, kari kehari sar sarit apara
Kol kirat kurang bihanga, mohi sab sukhad pranapati sanga

Whole chapter