UtshovDoha 95
95.1
Chaupai
सखा समुझि अस परिहरि मोहु। सिय रघुबीर चरन रत होहू।।
कहत राम गुन भा भिनुसारा। जागे जग मंगल सुखदारा।।
सकल सोच करि राम नहावा। सुचि सुजान बट छीर मगावा।।
अनुज सहित सिर जटा बनाए। देखि सुमंत्र नयन जल छाए।।
हृदयँ दाहु अति बदन मलीना। कह कर जोरि बचन अति दीना।।
नाथ कहेउ अस कोसलनाथा। लै रथु जाहु राम कें साथा।।
बनु देखाइ सुरसरि अन्हवाई। आनेहु फेरि बेगि दोउ भाई।।
लखनु रामु सिय आनेहु फेरी। संसय सकल सँकोच निबेरी।।
Sakha samujhi as parihari mohu, siy raghubir charan rat hohu
Kahat ram gun bha bhinusara, jage jag mangal sukhadara
Sakal soch kari ram nahava, suchi sujan bat chhir magava
Anuj sahit sir jata banae, dekhi sumantra nayan jal chhae
Hridayam dahu ati badan malina, kah kar jori bachan ati dina
Nath kaheu as kosalanatha, lai rathu jahu ram ken satha
Banu dekhai surasari anhavai, anehu pheri begi dou bhai
Lakhanu ramu siy anehu pheri, sansay sakal sankoch niberi
95.2
Doha/soratha
नृप अस कहेउ गोसाईं जस कहइ करौं बलि सोइ।
करि बिनती पायन्ह परेउ दीन्ह बाल जिमि रोइ ॥94॥
Nrip as kaheu gosaim jas kahai karaun bali soi
Kari binati payanha pareu dinha bal jimi roi