UtshovDoha 93
93.1
Chaupai
भइ दिनकर कुल बिटप कुठारी। कुमति कीन्ह सब बिस्व दुखारी।।
भयउ बिषादु निषादहि भारी। राम सीय महि सयन निहारी।।
बोले लखन मधुर मृदु बानी। ग्यान बिराग भगति रस सानी।।
काहु न कोउ सुख दुख कर दाता। निज कृत करम भोग सबु भ्राता।।
जोग बियोग भोग भल मंदा। हित अनहित मध्यम भ्रम फंदा।।
जनमु मरनु जहँ लगि जग जालू। संपती बिपति करमु अरु कालू।।
धरनि धामु धनु पुर परिवारू। सरगु नरकु जहँ लगि ब्यवहारू।।
देखिअ सुनिअ गुनिअ मन माहीं। मोह मूल परमारथु नाहीं।।
Bhai dinakar kul bitap kuthari, kumati kinha sab bisva dukhari
Bhayau bishadu nishadahi bhari, ram siy mahi sayan nihari
Bole lakhan madhur mridu bani, gyan birag bhagati ras sani
Kahu na kou sukh dukh kar data, nij krit karam bhog sabu bhrata
Jog biyog bhog bhal manda, hit anahit madhyam bhram phanda
Janamu maranu jaham lagi jag jalu, sampati bipati karamu aru kalu
Dharani dhamu dhanu pur parivaru, saragu naraku jaham lagi byavaharu
Dekhia sunia gunia man mahin, moh mul paramarathu nahin
93.2
Doha/soratha
सपनें होइ भिखारि नृप रंकु नाकपति होइ।
जागें लाभु न हानि कछु तिमि प्रपंच जियँ जोइ ॥92॥
Sapanen hoi bhikhari nrip ranku nakapati hoi
Jagen labhu na hani kachhu timi prapanch jiyam joi