UtshovDoha 91
91.1
Chaupai
उठे लखनु प्रभु सोवत जानी। कहि सचिवहि सोवन मृदु बानी।।
कछुक दूर सजि बान सरासन। जागन लगे बैठि बीरासन।।
गुँह बोलाइ पाहरू प्रतीती। ठावँ ठाँव राखे अति प्रीती।।
आपु लखन पहिं बैठेउ जाई। कटि भाथी सर चाप चढ़ाई।।
सोवत प्रभुहि निहारि निषादू। भयउ प्रेम बस ह्दयँ बिषादू।।
तनु पुलकित जलु लोचन बहई। बचन सप्रेम लखन सन कहई।।
भूपति भवन सुभायँ सुहावा। सुरपति सदनु न पटतर पावा।।
मनिमय रचित चारु चौबारे। जनु रतिपति निज हाथ सँवारे।।
Uthe lakhanu prabhu sovat jani, kahi sachivahi sovan mridu bani
Kachhuk dur saji ban sarasan, jagan lage baithi birasan
Gunh bolai paharu pratiti, thavam thanv rakhe ati priti
Apu lakhan pahin baitheu jai, kati bhathi sar chap charhai
Sovat prabhuhi nihari nishadu, bhayau prem bas hdayam bishadu
Tanu pulakit jalu lochan bahai, bachan saprem lakhan san kahai
Bhupati bhavan subhayam suhava, surapati sadanu na patatar pava
Manimay rachit charu chaubare, janu ratipati nij hath sanvare
91.2
Doha/soratha
सुचि सुबिचित्र सुभोगमय सुमन सुगंध सुबास।
पलँग मंजु मनिदीप जहँ सब बिधि सकल सुपास ॥90॥
Suchi subichitra subhogamay suman sugandh subas
Palang manju manidip jaham sab bidhi sakal supas