Ramcharitmanas 88.1

सीता सचिव सहित दोउ भाई। सृंगबेरपुर पहुँचे जाई।।
उतरे राम देवसरि देखी। कीन्ह दंडवत हरषु बिसेषी।।
लखन सचिवँ सियँ किए प्रनामा। सबहि सहित सुखु पायउ रामा।।
गंग सकल मुद मंगल मूला। सब सुख करनि हरनि सब सूला।।
कहि कहि कोटिक कथा प्रसंगा। रामु बिलोकहिं गंग तरंगा।।
सचिवहि अनुजहि प्रियहि सुनाई। बिबुध नदी महिमा अधिकाई।।
मज्जनु कीन्ह पंथ श्रम गयऊ। सुचि जलु पिअत मुदित मन भयऊ।।
सुमिरत जाहि मिटइ श्रम भारू। तेहि श्रम यह लौकिक ब्यवहारू।।

Sita sachiv sahit dou bhai, sringaberapur pahunche jai
Utare ram devasari dekhi, kinha dandavat harashu biseshi
Lakhan sachivam siyam kie pranama, sabahi sahit sukhu payau rama
Gang sakal mud mangal mula, sab sukh karani harani sab sula
Kahi kahi kotik katha prasanga, ramu bilokahin gang taranga
Sachivahi anujahi priyahi sunai, bibudh nadi mahima adhikai
Majjanu kinha panth shram gayau, suchi jalu piat mudit man bhayau
Sumirat jahi mitai shram bharu, tehi shram yah laukik byavaharu

Whole chapter