UtshovDoha 87
87.1
Chaupai
जागे सकल लोग भएँ भोरू। गे रघुनाथ भयउ अति सोरू।।
रथ कर खोज कतहहुँ नहिं पावहिं। राम राम कहि चहु दिसि धावहिं।।
मनहुँ बारिनिधि बूड़ जहाजू। भयउ बिकल बड़ बनिक समाजू।।
एकहि एक देंहिं उपदेसू। तजे राम हम जानि कलेसू।।
निंदहिं आपु सराहहिं मीना। धिग जीवनु रघुबीर बिहीना।।
जौं पै प्रिय बियोगु बिधि कीन्हा। तौ कस मरनु न मागें दीन्हा।।
एहि बिधि करत प्रलाप कलापा। आए अवध भरे परितापा।।
बिषम बियोगु न जाइ बखाना। अवधि आस सब राखहिं प्राना।।
Jage sakal log bhaem bhoru, ge raghunath bhayau ati soru
Rath kar khoj katahahun nahin pavahin, ram ram kahi chahu disi dhavahin
Manahun barinidhi bur jahaju, bhayau bikal bar banik samaju
Ekahi ek denhin upadesu, taje ram ham jani kalesu
Nindahin apu sarahahin mina, dhig jivanu raghubir bihina
Jaun pai priy biyogu bidhi kinha, tau kas maranu na magen dinha
Ehi bidhi karat pralap kalapa, ae avadh bhare paritapa
Bisham biyogu na jai bakhana, avadhi as sab rakhahin prana
87.2
Doha/soratha
राम दरस हित नेम ब्रत लगे करन नर नारि।
मनहुँ कोक कोकी कमल दीन बिहीन तमारि ॥86॥
Ram daras hit nem brat lage karan nar nari
Manahun kok koki kamal din bihin tamari