UtshovDoha 84
84.1
Chaupai
तब सुमंत्र नृप बचन सुनाए। करि बिनती रथ रामु चढ़ाए।।
चढ़ि रथ सीय सहित दोउ भाई। चले हृदयँ अवधहि सिरु नाई।।
चलत रामु लखि अवध अनाथा। बिकल लोग सब लागे साथा।।
कृपासिंधु बहुबिधि समुझावहिं। फिरहिं प्रेम बस पुनि फिरि आवहिं।।
लागति अवध भयावनि भारी। मानहुँ कालराति अँधिआरी।।
घोर जंतु सम पुर नर नारी। डरपहिं एकहि एक निहारी।।
घर मसान परिजन जनु भूता। सुत हित मीत मनहुँ जमदूता।।
बागन्ह बिटप बेलि कुम्हिलाहीं। सरित सरोवर देखि न जाहीं।।
Tab sumantra nrip bachan sunae, kari binati rath ramu charhae
Charhi rath siy sahit dou bhai, chale hridayam avadhahi siru nai
Chalat ramu lakhi avadh anatha, bikal log sab lage satha
Kripasindhu bahubidhi samujhavahin, phirahin prem bas puni phiri avahin
Lagati avadh bhayavani bhari, manahun kalarati andhiari
Ghor jantu sam pur nar nari, darapahin ekahi ek nihari
Ghar masan parijan janu bhuta, sut hit mit manahun jamaduta
Baganha bitap beli kumhilahin, sarit sarovar dekhi na jahin
84.2
Doha/soratha
हय गय कोटिन्ह केलिमृग पुरपसु चातक मोर।
पिक रथांग सुक सारिका सारस हंस चकोर ॥83॥
Hay gay kotinha kelimrig purapasu chatak mor
Pik rathang suk sarika saras hans chakor