Ramcharitmanas 71.1

समाचार जब लछिमन पाए। ब्याकुल बिलख बदन उठि धाए।।
कंप पुलक तन नयन सनीरा। गहे चरन अति प्रेम अधीरा।।
कहि न सकत कछु चितवत ठाढ़े। मीनु दीन जनु जल तें काढ़े।।
सोचु हृदयँ बिधि का होनिहारा। सबु सुखु सुकृत सिरान हमारा।।
मो कहुँ काह कहब रघुनाथा। रखिहहिं भवन कि लेहहिं साथा।।
राम बिलोकि बंधु कर जोरें। देह गेह सब सन तृनु तोरें।।
बोले बचनु राम नय नागर। सील सनेह सरल सुख सागर।।
तात प्रेम बस जनि कदराहू। समुझि हृदयँ परिनाम उछाहू।।

Samachar jab lachhiman pae, byakul bilakh badan uthi dhae
Kamp pulak tan nayan sanira, gahe charan ati prem adhira
Kahi na sakat kachhu chitavat tharhe, minu din janu jal ten karhe
Sochu hridayam bidhi ka honihara, sabu sukhu sukrit siran hamara
Mo kahun kah kahab raghunatha, rakhihahin bhavan ki lehahin satha
Ram biloki bandhu kar joren, deh geh sab san trinu toren
Bole bachanu ram nay nagar, sil saneh saral sukh sagar
Tat prem bas jani kadarahu, samujhi hridayam parinam uchhahu

Whole chapter