UtshovDoha 64
64.1
Chaupai
नर अहार रजनीचर चरहीं। कपट बेष बिधि कोटिक करहीं।।
लागइ अति पहार कर पानी। बिपिन बिपति नहिं जाइ बखानी।।
ब्याल कराल बिहग बन घोरा। निसिचर निकर नारि नर चोरा।।
डरपहिं धीर गहन सुधि आएँ। मृगलोचनि तुम्ह भीरु सुभाएँ।।
हंसगवनि तुम्ह नहिं बन जोगू। सुनि अपजसु मोहि देइहि लोगू।।
मानस सलिल सुधाँ प्रतिपाली। जिअइ कि लवन पयोधि मराली।।
नव रसाल बन बिहरनसीला। सोह कि कोकिल बिपिन करीला।।
रहहु भवन अस हृदयँ बिचारी। चंदबदनि दुखु कानन भारी।।
Nar ahar rajanichar charahin, kapat besh bidhi kotik karahin
Lagai ati pahar kar pani, bipin bipati nahin jai bakhani
Byal karal bihag ban ghora, nisichar nikar nari nar chora
Darapahin dhir gahan sudhi aem, mrigalochani tumha bhiru subhaem
Hansagavani tumha nahin ban jogu, suni apajasu mohi deihi logu
Manas salil sudhan pratipali, jiai ki lavan payodhi marali
Nav rasal ban biharanasila, soh ki kokil bipin karila
Rahahu bhavan as hridayam bichari, chandabadani dukhu kanan bhari
64.2
Doha/soratha
सहज सुह्द गुर स्वामि सिख जो न करइ सिर मानि।।
सो पछिताइ अघाइ उर अवसि होइ हित हानि ॥63॥
Sahaj suhda gur svami sikh jo na karai sir mani
So pachhitai aghai ur avasi hoi hit hani