UtshovDoha 55
55.1
Chaupai
बचन बिनीत मधुर रघुबर के। सर सम लगे मातु उर करके।।
सहमि सूखि सुनि सीतलि बानी। जिमि जवास परें पावस पानी।।
कहि न जाइ कछु हृदय बिषादू। मनहुँ मृगी सुनि केहरि नादू।।
नयन सजल तन थर थर काँपी। माजहि खाइ मीन जनु मापी।।
धरि धीरजु सुत बदनु निहारी। गदगद बचन कहति महतारी।।
तात पितहि तुम्ह प्रानपिआरे। देखि मुदित नित चरित तुम्हारे।।
राजु देन कहुँ सुभ दिन साधा। कहेउ जान बन केहिं अपराधा।।
तात सुनावहु मोहि निदानू। को दिनकर कुल भयउ कृसानू।।
Bachan binit madhur raghubar ke, sar sam lage matu ur karake
Sahami sukhi suni sitali bani, jimi javas paren pavas pani
Kahi na jai kachhu hriday bishadu, manahun mrigi suni kehari nadu
Nayan sajal tan thar thar kampi, majahi khai min janu mapi
Dhari dhiraju sut badanu nihari, gadagad bachan kahati mahatari
Tat pitahi tumha pranapiare, dekhi mudit nit charit tumhare
Raju den kahun subh din sadha, kaheu jan ban kehin aparadha
Tat sunavahu mohi nidanu, ko dinakar kul bhayau krisanu
55.2
Doha/soratha
निरखि राम रुख सचिवसुत कारनु कहेउ बुझाइ।
सुनि प्रसंगु रहि मूक जिमि दसा बरनि नहिं जाइ ॥54॥
Nirakhi ram rukh sachivasut karanu kaheu bujhai
Suni prasangu rahi muk jimi dasa barani nahin jai