Ramcharitmanas 54.1

तात जाउँ बलि बेगि नहाहू। जो मन भाव मधुर कछु खाहू।।
पितु समीप तब जाएहु भैआ। भइ बड़ि बार जाइ बलि मैआ।।
मातु बचन सुनि अति अनुकूला। जनु सनेह सुरतरु के फूला।।
सुख मकरंद भरे श्रियमूला। निरखि राम मनु भवरुँ न भूला।।
धरम धुरीन धरम गति जानी। कहेउ मातु सन अति मृदु बानी।।
पिताँ दीन्ह मोहि कानन राजू। जहँ सब भाँति मोर बड़ काजू।।
आयसु देहि मुदित मन माता। जेहिं मुद मंगल कानन जाता।।
जनि सनेह बस डरपसि भोरें। आनँदु अंब अनुग्रह तोरें।।

Tat jaum bali begi nahahu, jo man bhav madhur kachhu khahu
Pitu samip tab jaehu bhaia, bhai bari bar jai bali maia
Matu bachan suni ati anukula, janu saneh surataru ke phula
Sukh makarand bhare shriyamula, nirakhi ram manu bhavarun na bhula
Dharam dhurin dharam gati jani, kaheu matu san ati mridu bani
Pitan dinha mohi kanan raju, jaham sab bhanti mor bar kaju
Ayasu dehi mudit man mata, jehin mud mangal kanan jata
Jani saneh bas darapasi bhoren, anandu amb anugrah toren

Whole chapter