UtshovDoha 40
40.1
Chaupai
आनहु रामहि बेगि बोलाई। समाचार तब पूँछेहु आई।।
चलेउ सुमंत्र राय रूख जानी। लखी कुचालि कीन्हि कछु रानी।।
सोच बिकल मग परइ न पाऊ। रामहि बोलि कहिहि का राऊ।।
उर धरि धीरजु गयउ दुआरें। पूछँहिं सकल देखि मनु मारें।।
समाधानु करि सो सबही का। गयउ जहाँ दिनकर कुल टीका।।
रामु सुमंत्रहि आवत देखा। आदरु कीन्ह पिता सम लेखा।।
निरखि बदनु कहि भूप रजाई। रघुकुलदीपहि चलेउ लेवाई।।
रामु कुभाँति सचिव सँग जाहीं। देखि लोग जहँ तहँ बिलखाहीं।।
Anahu ramahi begi bolai, samachar tab punchhehu ai
Chaleu sumantra raya rukh jani, lakhi kuchali kinhi kachhu rani
Soch bikal mag parai na pau, ramahi boli kahihi ka rau
Ur dhari dhiraju gayau duaren, puchhanhin sakal dekhi manu maren
Samadhanu kari so sabahi ka, gayau jahan dinakar kul tika
Ramu sumantrahi avat dekha, adaru kinha pita sam lekha
Nirakhi badanu kahi bhup rajai, raghukuladipahi chaleu levai
Ramu kubhanti sachiv sang jahin, dekhi log jaham taham bilakhahin
40.2
Doha/soratha
जाइ दीख रघुबंसमनि नरपति निपट कुसाजु।।
सहमि परेउ लखि सिंघिनिहि मनहुँ बृद्ध गजराजु ॥39॥
Jai dikh raghubansamani narapati nipat kusaju
Sahami pareu lakhi singhinihi manahun briddha gajaraju