Ramcharitmanas 4.1

कहइ भुआलु सुनिअ मुनिनायक। भए राम सब बिधि सब लायक।।
सेवक सचिव सकल पुरबासी। जे हमारे अरि मित्र उदासी।।
सबहि रामु प्रिय जेहि बिधि मोही। प्रभु असीस जनु तनु धरि सोही।।
बिप्र सहित परिवार गोसाईं। करहिं छोहु सब रौरिहि नाई।।
जे गुर चरन रेनु सिर धरहीं। ते जनु सकल बिभव बस करहीं।।
मोहि सम यहु अनुभयउ न दूजें। सबु पायउँ रज पावनि पूजें।।
अब अभिलाषु एकु मन मोरें। पूजहि नाथ अनुग्रह तोरें।।
मुनि प्रसन्न लखि सहज सनेहू। कहेउ नरेस रजायसु देहू।।

Kahai bhualu sunia muninayak, bhae ram sab bidhi sab layak
Sevak sachiv sakal purabasi, je hamare ari mitra udasi
Sabahi ramu priy jehi bidhi mohi, prabhu asis janu tanu dhari sohi
Bipra sahit parivar gosaim, karahin chhohu sab raurihi nai
Je gur charan renu sir dharahin, te janu sakal bibhav bas karahin
Mohi sam yahu anubhayau na dujen, sabu payaum raj pavani pujen
Ab abhilashu eku man moren, pujahi nath anugrah toren
Muni prasanna lakhi sahaj sanehu, kaheu nares rajayasu dehu

Whole chapter