Ramcharitmanas 39.1

पछिले पहर भूपु नित जागा। आजु हमहि बड़ अचरजु लागा।।
जाहु सुमंत्र जगावहु जाई। कीजिअ काजु रजायसु पाई।।
गए सुमंत्रु तब राउर माही। देखि भयावन जात डेराहीं।।
धाइ खाइ जनु जाइ न हेरा। मानहुँ बिपति बिषाद बसेरा।।
पूछें कोउ न ऊतरु देई। गए जेंहिं भवन भूप कैकैई।।
कहि जयजीव बैठ सिरु नाई। दैखि भूप गति गयउ सुखाई।।
सोच बिकल बिबरन महि परेऊ। मानहुँ कमल मूलु परिहरेऊ।।
सचिउ सभीत सकइ नहिं पूँछी। बोली असुभ भरी सुभ छूछी।।

Pachhile pahar bhupu nit jaga, aju hamahi bar acharaju laga
Jahu sumantra jagavahu jai, kijia kaju rajayasu pai
Gae sumantru tab raur mahi, dekhi bhayavan jat derahin
Dhai khai janu jai na hera, manahun bipati bishad basera
Puchhen kou na utaru dei, gae jenhin bhavan bhup kaikaii
Kahi jayajiv baith siru nai, daikhi bhup gati gayau sukhai
Soch bikal bibaran mahi pareu, manahun kamal mulu parihareu
Sachiu sabhit sakai nahin punchhi, boli asubh bhari subh chhuchhi

Whole chapter