Ramcharitmanas 34.1

जिऐ मीन बरू बारि बिहीना। मनि बिनु फनिकु जिऐ दुख दीना।।
कहउँ सुभाउ न छलु मन माहीं। जीवनु मोर राम बिनु नाहीं।।
समुझि देखु जियँ प्रिया प्रबीना। जीवनु राम दरस आधीना।।
सुनि म्रदु बचन कुमति अति जरई। मनहुँ अनल आहुति घृत परई।।
कहइ करहु किन कोटि उपाया। इहाँ न लागिहि राउरि माया।।
देहु कि लेहु अजसु करि नाहीं। मोहि न बहुत प्रपंच सोहाहीं।
रामु साधु तुम्ह साधु सयाने। राममातु भलि सब पहिचाने।।
जस कौसिलाँ मोर भल ताका। तस फलु उन्हहि देउँ करि साका।।

Jiai min baru bari bihina, mani binu phaniku jiai dukh dina
Kahaum subhau na chhalu man mahin, jivanu mor ram binu nahin
Samujhi dekhu jiyam priya prabina, jivanu ram daras adhina
Suni mradu bachan kumati ati jarai, manahun anal ahuti ghrit parai
Kahai karahu kin koti upaya, ihan na lagihi rauri maya
Dehu ki lehu ajasu kari nahin, mohi na bahut prapanch sohahin
Ramu sadhu tumha sadhu sayane, ramamatu bhali sab pahichane
Jas kausilan mor bhal taka, tas phalu unhahi deum kari saka

Whole chapter