UtshovDoha 325
325.1
Chaupai
राम मातु गुर पद सिरु नाई। प्रभु पद पीठ रजायसु पाई।।
नंदिगावँ करि परन कुटीरा। कीन्ह निवासु धरम धुर धीरा।।
जटाजूट सिर मुनिपट धारी। महि खनि कुस साँथरी सँवारी।।
असन बसन बासन ब्रत नेमा। करत कठिन रिषिधरम सप्रेमा।।
भूषन बसन भोग सुख भूरी। मन तन बचन तजे तिन तूरी।।
अवध राजु सुर राजु सिहाई। दसरथ धनु सुनि धनदु लजाई।।
तेहिं पुर बसत भरत बिनु रागा। चंचरीक जिमि चंपक बागा।।
रमा बिलासु राम अनुरागी। तजत बमन जिमि जन बड़भागी।।
Ram matu gur pad siru nai, prabhu pad pith rajayasu pai
Nandigavam kari paran kutira, kinha nivasu dharam dhur dhira
Jatajut sir munipat dhari, mahi khani kus santhari sanvari
Asan basan basan brat nema, karat kathin rishidharam saprema
Bhushan basan bhog sukh bhuri, man tan bachan taje tin turi
Avadh raju sur raju sihai, dasarath dhanu suni dhanadu lajai
Tehin pur basat bharat binu raga, chancharik jimi champak baga
Rama bilasu ram anuragi, tajat baman jimi jan barabhagi
325.2
Doha/soratha
राम पेम भाजन भरतु बड़े न एहिं करतूति।
चातक हंस सराहिअत टेंक बिबेक बिभूति ॥324॥
Ram pem bhajan bharatu bare na ehin karatuti
Chatak hans sarahiat tenk bibek bibhuti