UtshovDoha 315
315.1
Chaupai
पुरजन परिजन प्रजा गोसाई। सब सुचि सरस सनेहँ सगाई।।
राउर बदि भल भव दुख दाहू। प्रभु बिनु बादि परम पद लाहू।।
स्वामि सुजानु जानि सब ही की। रुचि लालसा रहनि जन जी की।।
प्रनतपालु पालिहि सब काहू। देउ दुहू दिसि ओर निबाहू।।
अस मोहि सब बिधि भूरि भरोसो। किएँ बिचारु न सोचु खरो सो।।
आरति मोर नाथ कर छोहू। दुहुँ मिलि कीन्ह ढीठु हठि मोहू।।
यह बड़ दोषु दूरि करि स्वामी। तजि सकोच सिखइअ अनुगामी।।
भरत बिनय सुनि सबहिं प्रसंसी। खीर नीर बिबरन गति हंसी।।
Purajan parijan praja gosai, sab suchi saras saneham sagai
Raur badi bhal bhav dukh dahu, prabhu binu badi param pad lahu
Svami sujanu jani sab hi ki, ruchi lalasa rahani jan ji ki
Pranatapalu palihi sab kahu, deu duhu disi or nibahu
As mohi sab bidhi bhuri bharoso, kiem bicharu na sochu kharo so
Arati mor nath kar chhohu, duhun mili kinha dhithu hathi mohu
Yah bar doshu duri kari svami, taji sakoch sikhaia anugami
Bharat binay suni sabahin prasansi, khir nir bibaran gati hansi
315.2
Doha/soratha
दीनबंधु सुनि बंधु के बचन दीन छलहीन।
देस काल अवसर सरिस बोले रामु प्रबीन ॥314॥
Dinabandhu suni bandhu ke bachan din chhalahin
Des kal avasar saris bole ramu prabin