Ramcharitmanas 314.1

भोर न्हाइ सबु जुरा समाजू। भरत भूमिसुर तेरहुति राजू।।
भल दिन आजु जानि मन माहीं। रामु कृपाल कहत सकुचाहीं।।
गुर नृप भरत सभा अवलोकी। सकुचि राम फिरि अवनि बिलोकी।।
सील सराहि सभा सब सोची। कहुँ न राम सम स्वामि सँकोची।।
भरत सुजान राम रुख देखी। उठि सप्रेम धरि धीर बिसेषी।।
करि दंडवत कहत कर जोरी। राखीं नाथ सकल रुचि मोरी।।
मोहि लगि सहेउ सबहिं संतापू। बहुत भाँति दुखु पावा आपू।।
अब गोसाइँ मोहि देउ रजाई। सेवौं अवध अवधि भरि जाई।।

Bhor nhai sabu jura samaju, bharat bhumisur terahuti raju
Bhal din aju jani man mahin, ramu kripal kahat sakuchahin
Gur nrip bharat sabha avaloki, sakuchi ram phiri avani biloki
Sil sarahi sabha sab sochi, kahun na ram sam svami sankochi
Bharat sujan ram rukh dekhi, uthi saprem dhari dhir biseshi
Kari dandavat kahat kar jori, rakhin nath sakal ruchi mori
Mohi lagi saheu sabahin santapu, bahut bhanti dukhu pava apu
Ab gosaim mohi deu rajai, sevaun avadh avadhi bhari jai

Whole chapter