UtshovDoha 308
308.1
Chaupai
सभा सकल सुनि रघुबर बानी। प्रेम पयोधि अमिअ जनु सानी।।
सिथिल समाज सनेह समाधी। देखि दसा चुप सारद साधी।।
भरतहि भयउ परम संतोषू। सनमुख स्वामि बिमुख दुख दोषू।।
मुख प्रसन्न मन मिटा बिषादू। भा जनु गूँगेहि गिरा प्रसादू।।
कीन्ह सप्रेम प्रनामु बहोरी। बोले पानि पंकरुह जोरी।।
नाथ भयउ सुखु साथ गए को। लहेउँ लाहु जग जनमु भए को।।
अब कृपाल जस आयसु होई। करौं सीस धरि सादर सोई।।
सो अवलंब देव मोहि देई। अवधि पारु पावौं जेहि सेई।।
Sabha sakal suni raghubar bani, prem payodhi amia janu sani
Sithil samaj saneh samadhi, dekhi dasa chup sarad sadhi
Bharatahi bhayau param santoshu, sanamukh svami bimukh dukh doshu
Mukh prasanna man mita bishadu, bha janu gungehi gira prasadu
Kinha saprem pranamu bahori, bole pani pankaruh jori
Nath bhayau sukhu sath gae ko, laheum lahu jag janamu bhae ko
Ab kripal jas ayasu hoi, karaun sis dhari sadar soi
So avalamb dev mohi dei, avadhi paru pavaun jehi sei
308.2
Doha/soratha
देव देव अभिषेक हित गुर अनुसासनु पाइ।
आनेउँ सब तीरथ सलिलु तेहि कहँ काह रजाइ ॥307॥
Dev dev abhishek hit gur anusasanu pai
Aneum sab tirath salilu tehi kaham kah rajai