Ramcharitmanas 307.1

सहित समाज तुम्हार हमारा। घर बन गुर प्रसाद रखवारा।।
मातु पिता गुर स्वामि निदेसू। सकल धरम धरनीधर सेसू।।
सो तुम्ह करहु करावहु मोहू। तात तरनिकुल पालक होहू।।
साधक एक सकल सिधि देनी। कीरति सुगति भूतिमय बेनी।।
सो बिचारि सहि संकटु भारी। करहु प्रजा परिवारु सुखारी।।
बाँटी बिपति सबहिं मोहि भाई। तुम्हहि अवधि भरि बड़ि कठिनाई।।
जानि तुम्हहि मृदु कहउँ कठोरा। कुसमयँ तात न अनुचित मोरा।।
होहिं कुठायँ सुबंधु सुहाए। ओड़िअहिं हाथ असनिहु के घाए।।

Sahit samaj tumhar hamara, ghar ban gur prasad rakhavara
Matu pita gur svami nidesu, sakal dharam dharanidhar sesu
So tumha karahu karavahu mohu, tat taranikul palak hohu
Sadhak ek sakal sidhi deni, kirati sugati bhutimay beni
So bichari sahi sankatu bhari, karahu praja parivaru sukhari
Banti bipati sabahin mohi bhai, tumhahi avadhi bhari bari kathinai
Jani tumhahi mridu kahaum kathora, kusamayam tat na anuchit mora
Hohin kuthayam subandhu suhae, oriahin hath asanihu ke ghae

Whole chapter