Ramcharitmanas 30.1

सुनहु प्रानप्रिय भावत जी का। देहु एक बर भरतहि टीका।।
मागउँ दूसर बर कर जोरी। पुरवहु नाथ मनोरथ मोरी।।
तापस बेष बिसेषि उदासी। चौदह बरिस रामु बनबासी।।
सुनि मृदु बचन भूप हियँ सोकू। ससि कर छुअत बिकल जिमि कोकू।।
गयउ सहमि नहिं कछु कहि आवा। जनु सचान बन झपटेउ लावा।।
बिबरन भयउ निपट नरपालू। दामिनि हनेउ मनहुँ तरु तालू।।
माथे हाथ मूदि दोउ लोचन। तनु धरि सोचु लाग जनु सोचन।।
मोर मनोरथु सुरतरु फूला। फरत करिनि जिमि हतेउ समूला।।
अवध उजारि कीन्हि कैकेईं। दीन्हसि अचल बिपति कै नेईं।।

Sunahu pranapriy bhavat ji ka, dehu ek bar bharatahi tika
Magaum dusar bar kar jori, puravahu nath manorath mori
Tapas besh biseshi udasi, chaudah baris ramu banabasi
Suni mridu bachan bhup hiyam soku, sasi kar chhuat bikal jimi koku
Gayau sahami nahin kachhu kahi ava, janu sachan ban jhapateu lava
Bibaran bhayau nipat narapalu, damini haneu manahun taru talu
Mathe hath mudi dou lochan, tanu dhari sochu lag janu sochan
Mor manorathu surataru phula, pharat karini jimi hateu samula
Avadh ujari kinhi kaikeim, dinhasi achal bipati kai neim

Whole chapter