Ramcharitmanas 293.1

सुनि मुनि बचन जनक अनुरागे। लखि गति ग्यानु बिरागु बिरागे।।
सिथिल सनेहँ गुनत मन माहीं। आए इहाँ कीन्ह भल नाही।।
रामहि रायँ कहेउ बन जाना। कीन्ह आपु प्रिय प्रेम प्रवाना।।
हम अब बन तें बनहि पठाई। प्रमुदित फिरब बिबेक बड़ाई।।
तापस मुनि महिसुर सुनि देखी। भए प्रेम बस बिकल बिसेषी।।
समउ समुझि धरि धीरजु राजा। चले भरत पहिं सहित समाजा।।
भरत आइ आगें भइ लीन्हे। अवसर सरिस सुआसन दीन्हे।।
तात भरत कह तेरहुति राऊ। तुम्हहि बिदित रघुबीर सुभाऊ।।

Suni muni bachan janak anurage, lakhi gati gyanu biragu birage
Sithil saneham gunat man mahin, ae ihan kinha bhal nahi
Ramahi rayam kaheu ban jana, kinha apu priy prem pravana
Ham ab ban ten banahi pathai, pramudit phirab bibek barai
Tapas muni mahisur suni dekhi, bhae prem bas bikal biseshi
Samau samujhi dhari dhiraju raja, chale bharat pahin sahit samaja
Bharat ai agen bhai linhe, avasar saris suasan dinhe
Tat bharat kah terahuti rau, tumhahi bidit raghubir subhau

Whole chapter