UtshovDoha 277
277.1
Chaupai
बोरति ग्यान बिराग करारे। बचन ससोक मिलत नद नारे।।
सोच उसास समीर तंरगा। धीरज तट तरुबर कर भंगा।।
बिषम बिषाद तोरावति धारा। भय भ्रम भवँर अबर्त अपारा।।
केवट बुध बिद्या बड़ि नावा। सकहिं न खेइ ऐक नहिं आवा।।
बनचर कोल किरात बिचारे। थके बिलोकि पथिक हियँ हारे।।
आश्रम उदधि मिली जब जाई। मनहुँ उठेउ अंबुधि अकुलाई।।
सोक बिकल दोउ राज समाजा। रहा न ग्यानु न धीरजु लाजा।।
भूप रूप गुन सील सराही। रोवहिं सोक सिंधु अवगाही।।
Borati gyan birag karare, bachan sasok milat nad nare
Soch usas samir tanraga, dhiraj tat tarubar kar bhanga
Bisham bishad toravati dhara, bhay bhram bhavanr abarta apara
Kevat budh bidya bari nava, sakahin na khei aik nahin ava
Banachar kol kirat bichare, thake biloki pathik hiyam hare
Ashram udadhi mili jab jai, manahun utheu ambudhi akulai
Sok bikal dou raj samaja, raha na gyanu na dhiraju laja
Bhup rup gun sil sarahi, rovahin sok sindhu avagahi
277.2
Chhand
अवगाहि सोक समुद्र सोचहिं नारि नर ब्याकुल महा।
दै दोष सकल सरोष बोलहिं बाम बिधि कीन्हो कहा।।
सुर सिद्ध तापस जोगिजन मुनि देखि दसा बिदेह की।
तुलसी न समरथु कोउ जो तरि सकै सरित सनेह की।।
Avagahi sok samudra sochahin nari nar byakul maha
Dai dosh sakal sarosh bolahin bam bidhi kinho kaha
Sur siddha tapas jogijan muni dekhi dasa bideh ki
Tulasi na samarathu kou jo tari sakai sarit saneh ki
277.3
Doha/soratha
किए अमित उपदेस जहँ तहँ लोगन्ह मुनिबरन्ह।
धीरजु धरिअ नरेस कहेउ बसिष्ठ बिदेह सन ॥276॥
Kie amit upades jaham taham loganha munibaranha
Dhiraju dharia nares kaheu basishtha bideh san