UtshovDoha 275
275.1
Chaupai
सुनि सनेहमय पुरजन बानी। निंदहिं जोग बिरति मुनि ग्यानी।।
एहि बिधि नित्यकरम करि पुरजन। रामहि करहिं प्रनाम पुलकि तन।।
ऊँच नीच मध्यम नर नारी। लहहिं दरसु निज निज अनुहारी।।
सावधान सबही सनमानहिं। सकल सराहत कृपानिधानहिं।।
लरिकाइहि ते रघुबर बानी। पालत नीति प्रीति पहिचानी।।
सील सकोच सिंधु रघुराऊ। सुमुख सुलोचन सरल सुभाऊ।।
कहत राम गुन गन अनुरागे। सब निज भाग सराहन लागे।।
हम सम पुन्य पुंज जग थोरे। जिन्हहि रामु जानत करि मोरे।।
Suni sanehamay purajan bani, nindahin jog birati muni gyani
Ehi bidhi nityakaram kari purajan, ramahi karahin pranam pulaki tan
Unch nich madhyam nar nari, lahahin darasu nij nij anuhari
Savadhan sabahi sanamanahin, sakal sarahat kripanidhanahin
Larikaihi te raghubar bani, palat niti priti pahichani
Sil sakoch sindhu raghurau, sumukh sulochan saral subhau
Kahat ram gun gan anurage, sab nij bhag sarahan lage
Ham sam punya punj jag thore, jinhahi ramu janat kari more
275.2
Doha/soratha
प्रेम मगन तेहि समय सब सुनि आवत मिथिलेसु।
सहित सभा संभ्रम उठेउ रबिकुल कमल दिनेसु ॥274॥
Prem magan tehi samay sab suni avat mithilesu
Sahit sabha sambhram utheu rabikul kamal dinesu