Ramcharitmanas 273.1

दूतन्ह आइ भरत कइ करनी। जनक समाज जथामति बरनी।।
सुनि गुर परिजन सचिव महीपति। भे सब सोच सनेहँ बिकल अति।।
धरि धीरजु करि भरत बड़ाई। लिए सुभट साहनी बोलाई।।
घर पुर देस राखि रखवारे। हय गय रथ बहु जान सँवारे।।
दुघरी साधि चले ततकाला। किए बिश्रामु न मग महीपाला।।
भोरहिं आजु नहाइ प्रयागा। चले जमुन उतरन सबु लागा।।
खबरि लेन हम पठए नाथा। तिन्ह कहि अस महि नायउ माथा।।
साथ किरात छ सातक दीन्हे। मुनिबर तुरत बिदा चर कीन्हे।।

Dutanha ai bharat kai karani, janak samaj jathamati barani
Suni gur parijan sachiv mahipati, bhe sab soch saneham bikal ati
Dhari dhiraju kari bharat barai, lie subhat sahani bolai
Ghar pur des rakhi rakhavare, hay gay rath bahu jan sanvare
Dughari sadhi chale tatakala, kie bishramu na mag mahipala
Bhorahin aju nahai prayaga, chale jamun utaran sabu laga
Khabari len ham pathae natha, tinha kahi as mahi nayau matha
Sath kirat chh satak dinhe, munibar turat bida char kinhe

Whole chapter