Ramcharitmanas 262.1

बिधि न सकेउ सहि मोर दुलारा। नीच बीचु जननी मिस पारा।
यहउ कहत मोहि आजु न सोभा। अपनीं समुझि साधु सुचि को भा।।
मातु मंदि मैं साधु सुचाली। उर अस आनत कोटि कुचाली।।
फरइ कि कोदव बालि सुसाली। मुकुता प्रसव कि संबुक काली।।
सपनेहुँ दोसक लेसु न काहू। मोर अभाग उदधि अवगाहू।।
बिनु समुझें निज अघ परिपाकू। जारिउँ जायँ जननि कहि काकू।।
हृदयँ हेरि हारेउँ सब ओरा। एकहि भाँति भलेहिं भल मोरा।।
गुर गोसाइँ साहिब सिय रामू। लागत मोहि नीक परिनामू।।

Bidhi na sakeu sahi mor dulara, nich bichu janani mis para
Yahau kahat mohi aju na sobha, apanin samujhi sadhu suchi ko bha
Matu mandi main sadhu suchali, ur as anat koti kuchali
Pharai ki kodav bali susali, mukuta prasav ki sambuk kali
Sapanehun dosak lesu na kahu, mor abhag udadhi avagahu
Binu samujhen nij agh paripaku, jarium jayam janani kahi kaku
Hridayam heri hareum sab ora, ekahi bhanti bhalehin bhal mora
Gur gosaim sahib siy ramu, lagat mohi nik parinamu

Whole chapter