UtshovDoha 257
257.1
Chaupai
तात बात फुरि राम कृपाहीं। राम बिमुख सिधि सपनेहुँ नाहीं।।
सकुचउँ तात कहत एक बाता। अरध तजहिं बुध सरबस जाता।।
तुम्ह कानन गवनहु दोउ भाई। फेरिअहिं लखन सीय रघुराई।।
सुनि सुबचन हरषे दोउ भ्राता। भे प्रमोद परिपूरन गाता।।
मन प्रसन्न तन तेजु बिराजा। जनु जिय राउ रामु भए राजा।।
बहुत लाभ लोगन्ह लघु हानी। सम दुख सुख सब रोवहिं रानी।।
कहहिं भरतु मुनि कहा सो कीन्हे। फलु जग जीवन्ह अभिमत दीन्हे।।
कानन करउँ जनम भरि बासू। एहिं तें अधिक न मोर सुपासू।।
Tat bat phuri ram kripahin, ram bimukh sidhi sapanehun nahin
Sakuchaum tat kahat ek bata, aradh tajahin budh sarabas jata
Tumha kanan gavanahu dou bhai, pheriahin lakhan siy raghurai
Suni subachan harashe dou bhrata, bhe pramod paripuran gata
Man prasanna tan teju biraja, janu jiy rau ramu bhae raja
Bahut labh loganha laghu hani, sam dukh sukh sab rovahin rani
Kahahin bharatu muni kaha so kinhe, phalu jag jivanha abhimat dinhe
Kanan karaum janam bhari basu, ehin ten adhik na mor supasu
257.2
Doha/soratha
अँतरजामी रामु सिय तुम्ह सरबग्य सुजान।
जो फुर कहहु त नाथ निज कीजिअ बचनु प्रवान ॥256॥
Antarajami ramu siy tumha sarabagya sujan
Jo phur kahahu ta nath nij kijia bachanu pravan