Ramcharitmanas 249.1

करि पितु क्रिया बेद जसि बरनी। भे पुनीत पातक तम तरनी।।
जासु नाम पावक अघ तूला। सुमिरत सकल सुमंगल मूला।।
सुद्ध सो भयउ साधु संमत अस। तीरथ आवाहन सुरसरि जस।।
सुद्ध भएँ दुइ बासर बीते। बोले गुर सन राम पिरीते।।
नाथ लोग सब निपट दुखारी। कंद मूल फल अंबु अहारी।।
सानुज भरतु सचिव सब माता। देखि मोहि पल जिमि जुग जाता।।
सब समेत पुर धारिअ पाऊ। आपु इहाँ अमरावति राऊ।।
बहुत कहेउँ सब कियउँ ढिठाई। उचित होइ तस करिअ गोसाँई।।

Kari pitu kriya bed jasi barani, bhe punit patak tam tarani
Jasu nam pavak agh tula, sumirat sakal sumangal mula
Suddha so bhayau sadhu sammat as, tirath avahan surasari jas
Suddha bhaem dui basar bite, bole gur san ram pirite
Nath log sab nipat dukhari, kand mul phal ambu ahari
Sanuj bharatu sachiv sab mata, dekhi mohi pal jimi jug jata
Sab samet pur dharia pau, apu ihan amaravati rau
Bahut kaheum sab kiyaum dhithai, uchit hoi tas karia gosani

Whole chapter