UtshovDoha 248
248.1
Chaupai
बिकल सनेहँ सीय सब रानीं। बैठन सबहि कहेउ गुर ग्यानीं।।
कहि जग गति मायिक मुनिनाथा। कहे कछुक परमारथ गाथा।।
नृप कर सुरपुर गवनु सुनावा। सुनि रघुनाथ दुसह दुखु पावा।।
मरन हेतु निज नेहु बिचारी। भे अति बिकल धीर धुर धारी।।
कुलिस कठोर सुनत कटु बानी। बिलपत लखन सीय सब रानी।।
सोक बिकल अति सकल समाजू। मानहुँ राजु अकाजेउ आजू।।
मुनिबर बहुरि राम समुझाए। सहित समाज सुसरित नहाए।।
ब्रतु निरंबु तेहि दिन प्रभु कीन्हा। मुनिहु कहें जलु काहुँ न लीन्हा।।
Bikal saneham siy sab ranin, baithan sabahi kaheu gur gyanin
Kahi jag gati mayik muninatha, kahe kachhuk paramarath gatha
Nrip kar surapur gavanu sunava, suni raghunath dusah dukhu pava
Maran hetu nij nehu bichari, bhe ati bikal dhir dhur dhari
Kulis kathor sunat katu bani, bilapat lakhan siy sab rani
Sok bikal ati sakal samaju, manahun raju akajeu aju
Munibar bahuri ram samujhae, sahit samaj susarit nahae
Bratu nirambu tehi din prabhu kinha, munihu kahen jalu kahun na linha
248.2
Doha/soratha
भोरु भएँ रघुनंदनहि जो मुनि आयसु दीन्ह।।
श्रद्धा भगति समेत प्रभु सो सबु सादरु कीन्ह ॥247॥
Bhoru bhaem raghunandanahi jo muni ayasu dinha
Shraddha bhagati samet prabhu so sabu sadaru kinha