Ramcharitmanas 247.1

सीय आइ मुनिबर पग लागी। उचित असीस लही मन मागी।।
गुरपतिनिहि मुनितियन्ह समेता। मिली पेमु कहि जाइ न जेता।।
बंदि बंदि पग सिय सबही के। आसिरबचन लहे प्रिय जी के।।
सासु सकल जब सीयँ निहारीं। मूदे नयन सहमि सुकुमारीं।।
परीं बधिक बस मनहुँ मरालीं। काह कीन्ह करतार कुचालीं।।
तिन्ह सिय निरखि निपट दुखु पावा। सो सबु सहिअ जो दैउ सहावा।।
जनकसुता तब उर धरि धीरा। नील नलिन लोयन भरि नीरा।।
मिली सकल सासुन्ह सिय जाई। तेहि अवसर करुना महि छाई।।

Siy ai munibar pag lagi, uchit asis lahi man magi
Gurapatinihi munitiyanha sameta, mili pemu kahi jai na jeta
Bandi bandi pag siy sabahi ke, asirabachan lahe priy ji ke
Sasu sakal jab siyam niharin, mude nayan sahami sukumarin
Parin badhik bas manahun maralin, kah kinha karatar kuchalin
Tinha siy nirakhi nipat dukhu pava, so sabu sahia jo daiu sahava
Janakasuta tab ur dhari dhira, nil nalin loyan bhari nira
Mili sakal sasunha siy jai, tehi avasar karuna mahi chhai

Whole chapter