Ramcharitmanas 244.1

सीलसिंधु सुनि गुर आगवनू। सिय समीप राखे रिपुदवनू।।
चले सबेग रामु तेहि काला। धीर धरम धुर दीनदयाला।।
गुरहि देखि सानुज अनुरागे। दंड प्रनाम करन प्रभु लागे।।
मुनिबर धाइ लिए उर लाई। प्रेम उमगि भेंटे दोउ भाई।।
प्रेम पुलकि केवट कहि नामू। कीन्ह दूरि तें दंड प्रनामू।।
रामसखा रिषि बरबस भेंटा। जनु महि लुठत सनेह समेटा।।
रघुपति भगति सुमंगल मूला। नभ सराहि सुर बरिसहिं फूला।।
एहि सम निपट नीच कोउ नाहीं। बड़ बसिष्ठ सम को जग माहीं।।

Silasindhu suni gur agavanu, siy samip rakhe ripudavanu
Chale sabeg ramu tehi kala, dhir dharam dhur dinadayala
Gurahi dekhi sanuj anurage, dand pranam karan prabhu lage
Munibar dhai lie ur lai, prem umagi bhente dou bhai
Prem pulaki kevat kahi namu, kinha duri ten dand pranamu
Ramasakha rishi barabas bhenta, janu mahi luthat saneh sameta
Raghupati bhagati sumangal mula, nabh sarahi sur barisahin phula
Ehi sam nipat nich kou nahin, bar basishtha sam ko jag mahin

Whole chapter