UtshovDoha 234
234.1
Chaupai
जौं न होत जग जनम भरत को। सकल धरम धुर धरनि धरत को।।
कबि कुल अगम भरत गुन गाथा। को जानइ तुम्ह बिनु रघुनाथा।।
लखन राम सियँ सुनि सुर बानी। अति सुखु लहेउ न जाइ बखानी।।
इहाँ भरतु सब सहित सहाए। मंदाकिनीं पुनीत नहाए।।
सरित समीप राखि सब लोगा। मागि मातु गुर सचिव नियोगा।।
चले भरतु जहँ सिय रघुराई। साथ निषादनाथु लघु भाई।।
समुझि मातु करतब सकुचाहीं। करत कुतरक कोटि मन माहीं।।
रामु लखनु सिय सुनि मम नाऊँ। उठि जनि अनत जाहिं तजि ठाऊँ।।
Jaun na hot jag janam bharat ko, sakal dharam dhur dharani dharat ko
Kabi kul agam bharat gun gatha, ko janai tumha binu raghunatha
Lakhan ram siyam suni sur bani, ati sukhu laheu na jai bakhani
Ihan bharatu sab sahit sahae, mandakinin punit nahae
Sarit samip rakhi sab loga, magi matu gur sachiv niyoga
Chale bharatu jaham siy raghurai, sath nishadanathu laghu bhai
Samujhi matu karatab sakuchahin, karat kutarak koti man mahin
Ramu lakhanu siy suni mam naum, uthi jani anat jahin taji thaum
234.2
Doha/soratha
मातु मते महुँ मानि मोहि जो कछु करहिं सो थोर।
अघ अवगुन छमि आदरहिं समुझि आपनी ओर ॥233॥
Matu mate mahun mani mohi jo kachhu karahin so thor
Agh avagun chhami adarahin samujhi apani or