UtshovDoha 231
231.1
Chaupai
उठि कर जोरि रजायसु मागा। मनहुँ बीर रस सोवत जागा।।
बाँधि जटा सिर कसि कटि भाथा। साजि सरासनु सायकु हाथा।।
आजु राम सेवक जसु लेऊँ। भरतहि समर सिखावन देऊँ।।
राम निरादर कर फलु पाई। सोवहुँ समर सेज दोउ भाई।।
आइ बना भल सकल समाजू। प्रगट करउँ रिस पाछिल आजू।।
जिमि करि निकर दलइ मृगराजू। लेइ लपेटि लवा जिमि बाजू।।
तैसेहिं भरतहि सेन समेता। सानुज निदरि निपातउँ खेता।।
जौं सहाय कर संकरु आई। तौ मारउँ रन राम दोहाई।।
Uthi kar jori rajayasu maga, manahun bir ras sovat jaga
Bandhi jata sir kasi kati bhatha, saji sarasanu sayaku hatha
Aju ram sevak jasu leum, bharatahi samar sikhavan deum
Ram niradar kar phalu pai, sovahun samar sej dou bhai
Ai bana bhal sakal samaju, pragat karaum ris pachhil aju
Jimi kari nikar dalai mrigaraju, lei lapeti lava jimi baju
Taisehin bharatahi sen sameta, sanuj nidari nipataum kheta
Jaun sahaya kar sankaru ai, tau maraum ran ram dohai
231.2
Doha/soratha
अति सरोष माखे लखनु लखि सुनि सपथ प्रवान।
सभय लोक सब लोकपति चाहत भभरि भगान ॥230॥
Ati sarosh makhe lakhanu lakhi suni sapath pravan
Sabhay lok sab lokapati chahat bhabhari bhagan