Ramcharitmanas 221.1

सत्यसंध प्रभु सुर हितकारी। भरत राम आयस अनुसारी।।
स्वारथ बिबस बिकल तुम्ह होहू। भरत दोसु नहिं राउर मोहू।।
सुनि सुरबर सुरगुर बर बानी। भा प्रमोदु मन मिटी गलानी।।
बरषि प्रसून हरषि सुरराऊ। लगे सराहन भरत सुभाऊ।।
एहि बिधि भरत चले मग जाहीं। दसा देखि मुनि सिद्ध सिहाहीं।।
जबहिं रामु कहि लेहिं उसासा। उमगत पेमु मनहँ चहु पासा।।
द्रवहिं बचन सुनि कुलिस पषाना। पुरजन पेमु न जाइ बखाना।।
बीच बास करि जमुनहिं आए। निरखि नीरु लोचन जल छाए।।

Satyasandh prabhu sur hitakari, bharat ram ayas anusari
Svarath bibas bikal tumha hohu, bharat dosu nahin raur mohu
Suni surabar suragur bar bani, bha pramodu man miti galani
Barashi prasun harashi surarau, lage sarahan bharat subhau
Ehi bidhi bharat chale mag jahin, dasa dekhi muni siddha sihahin
Jabahin ramu kahi lehin usasa, umagat pemu manaham chahu pasa
Dravahin bachan suni kulis pashana, purajan pemu na jai bakhana
Bich bas kari jamunahin ae, nirakhi niru lochan jal chhae

Whole chapter