UtshovDoha 220
220.1
Chaupai
सुनु सुरेस उपदेसु हमारा। रामहि सेवकु परम पिआरा।।
मानत सुखु सेवक सेवकाई। सेवक बैर बैरु अधिकाई।।
जद्यपि सम नहिं राग न रोषू। गहहिं न पाप पूनु गुन दोषू।।
करम प्रधान बिस्व करि राखा। जो जस करइ सो तस फलु चाखा।।
तदपि करहिं सम बिषम बिहारा। भगत अभगत हृदय अनुसारा।।
अगुन अलेप अमान एकरस। रामु सगुन भए भगत पेम बस।।
राम सदा सेवक रुचि राखी। बेद पुरान साधु सुर साखी।।
अस जियँ जानि तजहु कुटिलाई। करहु भरत पद प्रीति सुहाई।।
Sunu sures upadesu hamara, ramahi sevaku param piara
Manat sukhu sevak sevakai, sevak bair bairu adhikai
Jadyapi sam nahin rag na roshu, gahahin na pap punu gun doshu
Karam pradhan bisva kari rakha, jo jas karai so tas phalu chakha
Tadapi karahin sam bisham bihara, bhagat abhagat hriday anusara
Agun alep aman ekaras, ramu sagun bhae bhagat pem bas
Ram sada sevak ruchi rakhi, bed puran sadhu sur sakhi
As jiyam jani tajahu kutilai, karahu bharat pad priti suhai
220.2
Doha/soratha
राम भगत परहित निरत पर दुख दुखी दयाल।
भगत सिरोमनि भरत तें जनि डरपहु सुरपाल ॥219॥
Ram bhagat parahit nirat par dukh dukhi dayal
Bhagat siromani bharat ten jani darapahu surapal