UtshovDoha 218
218.1
Chaupai
जड़ चेतन मग जीव घनेरे। जे चितए प्रभु जिन्ह प्रभु हेरे।।
ते सब भए परम पद जोगू। भरत दरस मेटा भव रोगू।।
यह बड़ि बात भरत कइ नाहीं। सुमिरत जिनहि रामु मन माहीं।।
बारक राम कहत जग जेऊ। होत तरन तारन नर तेऊ।।
भरतु राम प्रिय पुनि लघु भ्राता। कस न होइ मगु मंगलदाता।।
सिद्ध साधु मुनिबर अस कहहीं। भरतहि निरखि हरषु हियँ लहहीं।।
देखि प्रभाउ सुरेसहि सोचू। जगु भल भलेहि पोच कहुँ पोचू।।
गुर सन कहेउ करिअ प्रभु सोई। रामहि भरतहि भेंट न होई।।
Jar chetan mag jiv ghanere, je chitae prabhu jinha prabhu here
Te sab bhae param pad jogu, bharat daras meta bhav rogu
Yah bari bat bharat kai nahin, sumirat jinahi ramu man mahin
Barak ram kahat jag jeu, hot taran taran nar teu
Bharatu ram priy puni laghu bhrata, kas na hoi magu mangaladata
Siddha sadhu munibar as kahahin, bharatahi nirakhi harashu hiyam lahahin
Dekhi prabhau suresahi sochu, jagu bhal bhalehi poch kahun pochu
Gur san kaheu karia prabhu soi, ramahi bharatahi bhent na hoi
218.2
Doha/soratha
रामु सँकोची प्रेम बस भरत सपेम पयोधि।
बनी बात बेगरन चहति करिअ जतनु छलु सोधि ॥217॥
Ramu sankochi prem bas bharat sapem payodhi
Bani bat begaran chahati karia jatanu chhalu sodhi