Ramcharitmanas 215.1

रिधि सिधि सिर धरि मुनिबर बानी। बड़भागिनि आपुहि अनुमानी।।
कहहिं परसपर सिधि समुदाई। अतुलित अतिथि राम लघु भाई।।
मुनि पद बंदि करिअ सोइ आजू। होइ सुखी सब राज समाजू।।
अस कहि रचेउ रुचिर गृह नाना। जेहि बिलोकि बिलखाहिं बिमाना।।
भोग बिभूति भूरि भरि राखे। देखत जिन्हहि अमर अभिलाषे।।
दासीं दास साजु सब लीन्हें। जोगवत रहहिं मनहि मनु दीन्हें।।
सब समाजु सजि सिधि पल माहीं। जे सुख सुरपुर सपनेहुँ नाहीं।।
प्रथमहिं बास दिए सब केही। सुंदर सुखद जथा रुचि जेही।।

Ridhi sidhi sir dhari munibar bani, barabhagini apuhi anumani
Kahahin parasapar sidhi samudai, atulit atithi ram laghu bhai
Muni pad bandi karia soi aju, hoi sukhi sab raj samaju
As kahi racheu ruchir grih nana, jehi biloki bilakhahin bimana
Bhog bibhuti bhuri bhari rakhe, dekhat jinhahi amar abhilashe
Dasin das saju sab linhen, jogavat rahahin manahi manu dinhen
Sab samaju saji sidhi pal mahin, je sukh surapur sapanehun nahin
Prathamahin bas die sab kehi, sundar sukhad jatha ruchi jehi

Whole chapter