Ramcharitmanas 21.1

कैकयसुता सुनत कटु बानी। कहि न सकइ कछु सहमि सुखानी।।
तन पसेउ कदली जिमि काँपी। कुबरीं दसन जीभ तब चाँपी।।
कहि कहि कोटिक कपट कहानी। धीरजु धरहु प्रबोधिसि रानी।।
फिरा करमु प्रिय लागि कुचाली। बकिहि सराहइ मानि मराली।।
सुनु मंथरा बात फुरि तोरी। दहिनि आँखि नित फरकइ मोरी।।
दिन प्रति देखउँ राति कुसपने। कहउँ न तोहि मोह बस अपने।।
काह करौ सखि सूध सुभाऊ। दाहिन बाम न जानउँ काऊ।।

Kaikayasuta sunat katu bani, kahi na sakai kachhu sahami sukhani
Tan paseu kadali jimi kampi, kubarin dasan jibh tab champi
Kahi kahi kotik kapat kahani, dhiraju dharahu prabodhisi rani
Phira karamu priy lagi kuchali, bakihi sarahai mani marali
Sunu manthara bat phuri tori, dahini ankhi nit pharakai mori
Din prati dekhaum rati kusapane, kahaum na tohi moh bas apane
Kah karau sakhi sudh subhau, dahin bam na janaum kau

Whole chapter