Ramcharitmanas 200.1

कुस साँथरीनिहारि सुहाई। कीन्ह प्रनामु प्रदच्छिन जाई।।
चरन रेख रज आँखिन्ह लाई। बनइ न कहत प्रीति अधिकाई।।
कनक बिंदु दुइ चारिक देखे। राखे सीस सीय सम लेखे।।
सजल बिलोचन हृदयँ गलानी। कहत सखा सन बचन सुबानी।।
श्रीहत सीय बिरहँ दुतिहीना। जथा अवध नर नारि बिलीना।।
पिता जनक देउँ पटतर केही। करतल भोगु जोगु जग जेही।।
ससुर भानुकुल भानु भुआलू। जेहि सिहात अमरावतिपालू।।
प्राननाथु रघुनाथ गोसाई। जो बड़ होत सो राम बड़ाई।।

Kus santharinihari suhai, kinha pranamu pradachchhin jai
Charan rekh raj ankhinha lai, banai na kahat priti adhikai
Kanak bindu dui charik dekhe, rakhe sis siy sam lekhe
Sajal bilochan hridayam galani, kahat sakha san bachan subani
Shrihat siy biraham dutihina, jatha avadh nar nari bilina
Pita janak deum patatar kehi, karatal bhogu jogu jag jehi
Sasur bhanukul bhanu bhualu, jehi sihat amaravatipalu
Prananathu raghunath gosai, jo bar hot so ram barai

Whole chapter